I dërgonin mesazhe telefonike duke kërcënuar një biznesmen, të cilët i kërkonin në këmbim në forme gjobe 10 mijë euro.
Operacioni i koduar “Last Night” ka bërë të mundur arrestimin e Altin Valisi, 21- vjeç, banues në Tiranë dhe Durim Dervishi, 19- vjeç, banues në Tiranë
“Pas një hetimi intensiv, është arritur të dokumentohet me prova ligjore se shtetasit e lartë përmendur, kanë kërcënuar duke dërguar mesazhe telefonike, shtetasin P. Z., 55 vjeç, të cilit i kanë kërkuar në formë gjobe shumën monetare prej 10.000 euro”
Në cilësinë e provës materiale janë sekuestruar: – 1 armë automatike, tip AK-47 – 11 aparate telefonik celular të markave të ndryshme – 5 Karta SIM Materialet Proceduriale i’u kaluan Prokurorisë Pranë Gjykatës së Shkallës së Parë Tiranë, për veprat penale “Shtrëngimi me anë të kanosjes ose dhunës për dhënien e pasurisë” në bashkëpunim dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 109/b/1-25 dhe 278 të Kodit Penal.